حياك الله أخوي باترول ربع
بالنسبة للحلبة الرمليه هي حلبة مؤقتة والتجهيز كان علي عجالة وباقي الجولات تبي تكون علي نفس الحلبة وإن شاء الله في عام 2008 نبي نعيد تجهيز الحلبة الرملية لإقامة 5 جولات فيها علي مدار السنة .


أخوي فروتي جدة بالنسبة للوحة إذا رحت الحلبة المرة الجاية ناظر بالعمدان الحمرا الكبيره المقابلة للخط السريع تلقاهم شغالين فيها .


أخوي n silent
هذا رأيك الشخصي وحنا نحترمه لكن لا تنسا شي مهم وهو ان الحالة النفسية للسائق في الحلبة تختلف تماما عن الشارع بحكم الجمهور والناس منتظره تشوف رقمك وطريقة عملك للبيرن آوت وهذا كله يربك السائق .بالنسبة للأمان الله يحفظ الجميع والمكتوب لازم يصير .

الأخ timing بالنسبة للكارتنج تتم دراسة إمكانية عمل جولة واحدة في السنة بس تكون 24 ساعة متواصلة ولا يوجد 10 جولات .

الأخ altima35 شاكر لك هالشهادة وصدقني شي يسعدنا إننا نشاهد ناس تقدر مدي إهتمامنا بسلامتهم وهذا إن دل يدل علي وعيهم وفهمهم لهالرياضة .
بالنسبة للتصاريح أنا يوم كنت باللجنة السعودية لرياضة السيارات والدراجات النارية ناقشنا هالموضوع مع الإداره العامة للمرور وكان الحل إنه يتم إصدار إستمارات للسيارات الرياضية شريطة أن لاتظر الغير مثل ( الإزعاج - التفحيط -الخ لكن قالو يحتاج رفع هالقرار للمقام السامي وأخذ الموافقه عليه والله يسهل الأمور .أما بالنسبة لنا حنا لسنا جهة رسمية ولا يحق لنا إصدار تصاريح.

أخوي الشظية في ترتيبات يتم دراستها لتعديل الوضع علي بداية عام 2008 وبالنسبة للفترة الحالية اللي يحب يجرب سيارته علي ثمن ميل بدل الربع المضمار جاهز.التجارب في نفس موعدها لكن نظطر لتأجيلها أحيانا بسبب سوء حالة الجو وخاصة الرطوبة العالية والمواعيد هي ( الإثنين - الخميس اذا مافي فعالية )

شاكر لكم جميعا مشاركتكم وإن شاء الله إني وفقت في الرد علي إستفساراتكم .
تحياتي