بسم الله الرحمن الرحيم

السلام عليكم ورحمة الله وبركاته

قصة بعض اعضاء جدة بويز في الاجازة الصيفية
الجزء الثالث
والأخير


أبطال القصة:
(المشاكس) السيارة دوج تشارجرRT (كاتب القصة)
(Dmjss )السيارة موستنج Gt
R11) ) السيارة فورد (كراون فكتوريا)
(عاشق أكورد2007) السيارة أكورد 2007 وهمر H2
(بو جاس) السيارة كابرس SS
(هلالي وبقوة) السيارة GMC يوكون

ضيوف الجزء:
ميمي الشريرة: عضوة متميزه في جدة بويز
مدير المطعم: ابو عبد الله



وين وقفنا؟؟؟؟

نسيت...أحد يذكرني

ايوة تذكرت وقفنا عندي يوم قررت اسوي مقلب
في الاخ Dmjss
دخلت المطبخ ادوري على شي معين
مثل الصابون السائل او الفيري اللي يستخدموه في غسيل الصحون
بس ما حصلت
حصلت كروركس وديتول بس هذه ما تنفع
هونت عن المقلب
قلت خلني ادور على شي اشربه
فتحت الثلاجة
الا واحصل شي مثل اللي ابغاه
وأفضل
تدرون وشو؟
كـــــــاتــــشــــب
أخذته ورحت الغرفة
طبعا الكل يعرف ان نوم الاخ Dmjss ثقيل
وما يحس على شي
ولو حصل انفجار جنبه ما يقوم
المهم
المقلب رايح يتم في عدة خطوات
1.راح احاول ابسط يد Dmjss واحط فيها كــــاتــــشـــب وامليها
2.اخذ منديل والفه حتى يصير مثل راس القلم الحبر
3.العب بالمنديل في وجهه من عينه لانفه وفمه بس لازم يكون في الوجه
4.بعدها راح يحرك يده اللي فيها كـــاتــشــب ويحطها في وجهه
المهم
جلست جنبه على السرير
والعده جاهزة
وطبقت الخطوات بالحرف الواحد
وصار اللي خططت له بنجاح
وانا الغبي حطيت الـــكــــاتــــشـــب جنبه على السرير
شاله وفتحه وكبه علي
المهم بدل ما كان التي شرت حقي ابيض صار احمر
بعدها غير كل واحد ملابسه
وكمل Dmjss نومه وانا رحت انام
نوم
نوم
نوم
..zzzzzzzzz..
ولو تسمعون الموسيقى اللي طالعه
طرب
هههههههههههههه
وقتها اتصلت الاخت : ميمي الشريرة

ميمي الشريرة: مرحبا......هذا مو جوال بو جاس؟
المشاكس : الا هذا جواله؟
ميمي الشريرة : ممكن تعطيني ؟
المشاكس : من؟
ميمي الشريرة : من يعني.....بو جاس
المشاكس : نايم
ميمي الشريرة : خلاص انا اتصل بعدين

طبعا نسيت ما اقلكم اني الشباب مسويت تعديلات في سياراتهم
وكان خاطري ارفق صور بس للأسف ما عندي

المهم
صحيا وقررنا نطلع نتمشي
بس من اغرب واجمل الاشياء اللي ضحكنا عليها كثير
ان نحن الستة
مشاكس والهوى عاكس
و
Dmjss
و
عاشق اكورد
و
هلالي وبقوة
و
بو جاس
و
R11
قررنا نروح مطعم نتعشى فيه
مطعم لابأس فيه
يعني مو سبع نجوم ولا ولا نجمه
يعني ثلاث او اربع
المهم تعشينا وسولفنا وضحكنا
وجاء دور الحساب
طبعا انا مفكر ان الشباب الي سبقونا جدة هم اللي عازمينا
اللي هم هلالي وبقوة و بو جاس وR11
طلع منهم من ناسي محفظته في السيارة والسيارة واقفه في البيت
ومنهم من معه فلوس بس ما تكفي
بعدها بشوي جاء مدير المطعم
وعرف بالي صار وقال....
مدير المطعم : لازم تدفعوا؟
هلالي وبقوة : والله نسينا فلوسنا في البيت
مدير المطعم : خلاص اثنين يجلسوا الباقي يروحوا يجيبوا الفلوس

تشاورنا مع بعض وقررنا نترك
هلالي وبقوة
و Dmjss
في المطعم
اول ما طلعنا في السيارة قال عاشق....

عاشق أكورد : الكل يقفل جواله
المشاكس: ليش؟
عاشق اكورد : ابي اسوي شي

وقفلنا الجوالات
ورحنا جبنا الفلوس ووقنا عند المطعم

عاشق أكورد : ولا واحد ينزل عشان نسوي فيهم مقلب
المشاكس : والله حرام
عاشق أكورد : لا تسوي فيها حنون

والمهم وحنا واقفين برى ونشوفهم جالسين في الداخل
وكل شوي يمر عليهم المدير ويسألهم
من الكلام اللي دار بينهم وبين المدير

مدير المطعم: باقي اصحابكم ما .......؟
Dmjss : والله باقي
هلالي وبقوة : شكلهم سحبوا علينا
Dmjss : ما اتوقع
هلالي وبقوة : شكلنا تورطنا وشكلنا راح نغسل الصحون

ومره ربع ساعه
ونص ساعه
وساعه
واحنا باقي جالسين في السياره
وشكلهم بيبدون يغسلون الصحون ودمعته على خدهم
انا حزنت عليهم ونزلت على طول ودفعت الحساب
لكن يا ليتني تركتهم
بس شافوني اسمع ذاك الكلام
انت وانت وانت ...........الخ
هذا من اجمل الاشياء اللي صارت
والباقي مثل العاده فرفره بالسيارات
او استعراض
او في البيت
وغيرها....

طبعا رجعنا الرياض بعد يومين ونسيت ان ميمي قالت انها تبي تخاصم بو جاس
وأتصلت بي بو جاس وقلتله يعتذرلي منها وقلتله بأعطيك دور بطوله في قصة قادمه
وقبلت الاعتذار مو عشاني
عشان القصة
وهذه قصتا في الإجازة الصيفية بإختصار


في الختام
تقبلوا تحياتي وتحيات جميع اعضاء جدة بويز المشاركين معي في القصه
ولا ننسى بالشكر الجزيل للإدارة والمراقبين الذين سمحوا لي بالكتابه
وعرضها هنا
واسف اذا في كلمات ما فهمتوها او اخطاء املائية

ولا تحرموني من ردودكم واجاباتكم عن الأساله التالية
أي من الأجزاء الثلاثه كان الأحلى والأروع؟
من من الأعضاء ما كان له داعي في القصه؟
هل من اقتراح او تعديل للسيناروا (مضمون القصه)؟

ارجوا من الادارة تثبيت ألاجزاء الثلاثة كاملة

وانتظروني في عمل قريب قبل شهر رمضان
وراح اعرض طلبات الانضمام والشروط للإنضمام في القصة القادمة
على منتدى الاستراحه
قريبا

ودمتم بألف خير
كتابه واخراج
مشاكس والهوى عاكس