Search Engine Optimization by vBSEO 3.2.0

N O T H I N G · 12-14-2007, 12:24 AM

بسم الله الرحمن الرحيم

السلام عليكم ورحمة الله وبركاته

كيف حال الشباب ؟؟

أقدم لكم هذا الموضوع اللي انشاءالله إنو بيساعدنا كثير من ناحية التعديل وهذي الأشياء ..

أكيد لمن تجي تعدل على المجسم ولا شي تفكو وتزبط وكدا وبعدين تتعب وتسيب المجسم مكانه وتجي الصبح تدور على الأشياء الصغار تلاقيها ضايعة .

فـــ أنا حطيت دا الموضوع عشين هذي النقطة اللي هيا (( ضياع القطع الصغيرة )) لأنو بصراحة هذي المشكلة انتشرت بين المقطبين وبعضهم لمن تضيع منهم قطعة وحدة تلاقيه اشترى سيارة بكاملها بس عشين ياخد قطعة صغيرة منها .

هذا الموضوع هوا لــ (( التبادل + البيع )) ، يعني :"

التبادل :/

يجيكـ واحد مفلس ولا أهلو حارمينه من الفلوس ولا شي زي الحاصل الأيام هذي ، فــ هذا تنفعلو هذي الحركة ، والطريقة :

تبادل القطع يعني واحد عندو قطعة ما يبغاها يجي يحط رد هنا يقول أنا ما أبغى دي القطعة وأبغى بدالها قطعة كدا كدا ويجي واحد يتناسب مع نفس حالتو يقول خلاص نتبادل ، بس طبعاً لازم تكون القطعتين نفس الحجم تقريباً أو لو كانت كبيرة يصير يدفع الفرق .

البيع :/

يجيكـ واحد مريش مررررهـ ، يحط هنا رد يقول اللي عندو قطعة كدا كدا لسيارة كدا كدا ، وما اعتقد يبغالها تفصيل أكثر .

..

المطلوب في الرد :"

..:: نوع القطعة المُراد شرائها أو بيعها أو تبادلها .

..:: السعر .

..:: نوع النموذج .

..:: الشركة المصنعة للنموذج .

..:: مقاس النموذج .

..:: مكان الإقامة .

..:: رقم الجوال أو الايميل .

الشروط :"

- تذكر أن الله يحاسبكـ على كل صغيرة وكل كبيرة ، لذا أرجو مراعاة ذلكـ في البيع والتبادل .

- من يريد الشراء أو التبادل مع شخص وضع رد في الموضوع ، يقتبس الرد ويكتب أنه يريد التبادل أو الشراء .

- يجب ذكر المطاليب الموضحة أعلاهـ في كل رد يحوي على تبادل أو بيع للقطع .

- الاتفاق على السعر يكون داخل الموضوع ، وذلكـ منعاً لرفع الأسعار ، مع العلم أنه أي رد لا يحوي على سعر سوف يحذف فوراً .

وسلامتكم ..

وانشاءالله الفكرة تكون عجبتكم يا رب .

ويللا خلينا نشوف التفاعل يا شباب ..

ملاحظة هامة :ـ
أي اثنين اتفقو مع بعض واقتبسو .. الرجاء من أي واحد منهم يرسلي رسالة خاصة ليتم حذف الردين بــ(( الضغط هنا )) .

هذي الفكرة فكرت أخونا الغالي / أحمد الطيب (( MR.TAYEB )) .

وأي شي مو واضح ولا سؤال ولا استفسار أرجو وضعه في هذا الموضوع ..

هذا ما لدي .. وبالله التوفيق ،،

تقبلو تحيات محدثكم ومحبكم :"

عبدالله الثبيتي

نوثينق

N O T H I N G

ROCK.RRR · 12-14-2007, 09:25 AM

مشكوور اخوي عبدالله على تجديدك الموضوع
بس لازم تكتب على العنوان تم تجديد الموضوع او تم
تحديث الموضوع عشان يكونون الاعضاء على علم
صح
المهم :
انا ابي جنوط اسلاك اي مقاس
ويكون سعرة 50 ريال
وانا في الشرقية حاليا وقريبا ارجع جدة

[M.S.A] · 12-14-2007, 11:50 AM

مبروك والله اخيراً حدثتو الموضوع والفكره الجديده حلوه والله وهذا دليل انكم متفاعلين مع الاعضاء ورغباتهم لان انا ما امداني احط الرد امس الى سويتوا الفكره اليوم .

* انا ابغى جنط يكون حجمه كبير شوي قبل العيد في جده .

محبكم /حمووودي.

[m.s.a]

ROCK.RRR · 12-14-2007, 12:47 PM

ياشباب
انا عندي مجسم دودج ماغنوم اصفر وخطين اسود
وحلو وقيمتة 200ريال من الشرقية من محل Dub
وابي ابادل اي احد بمجسم يكون قيمتة 200
زي مجسم دودج تشارجر اي لون !! <<<هذا مثال
وشكرا
واي احد يبي يشوف مجسمي الدودج ماغنوم في موضوع له
في قسم البيع وشراء
وشكرا

storm 92 · 12-14-2007, 02:32 PM

مشكور يالغالي على تجديد الموضوع

وانا ابغا

1- علبتين نوس
2- سستم
3- شاشات

وسلامتكم

N O T H I N G · 12-14-2007, 03:18 PM

تشكروا يا شباب على تفاعلكم .

ولكن أرجو منكم عدم نسيان التواصل عبر الرسائل الخاصة عند انتهاء البيعة أو التبادل .

والله الموفق ،،

. . .

ROCK.RRR · 12-14-2007, 09:03 PM

ياعبدالله
عندك مجسم ماتبيه ابادلك بدودج ماغنوم

No-LiMiT · 12-14-2007, 09:19 PM

انا عندي الجنوط

N O T H I N G · 12-15-2007, 12:39 AM

اقتباس:

المشاركة الأصلية كتبت بواسطة rock.rrr

ياعبدالله
عندك مجسم ماتبيه ابادلك بدودج ماغنوم

لا والله للأسف يا فيصل .

وان شاء الله باقي الشباب يكون عندهم ..

وبالتوفيق ان شاء الله ،،

. . .

ROCK.RRR · 12-15-2007, 12:49 PM

اوكي مشكوور
وياخوي MAJHooL
كم مقاس الجنوط ؟؟
وبكم تعطينا اياها ؟؟

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري