بسم الله الرحمن الرحيم
السلام عليكم ورحمة الله وبركاته
الحمدلله والصلاة والسلام على رسول الله وعلى آله وصحبه أجمعين
كيف حالكم ان شاء الله مبصوطين؟
اليوم جمعت لكم سوالفي من الصف الاول متوسط الى الاول ثانوي يعني الحين انا رايح لصف ثاني ثنانوي
على العموم خلونا من هاذي الحاجات وش رايكم نبدأ السوالف؟ ما اسمع نبدأ ولا لا؟
يلا يلا نبدأ السوالف ((( الجزء الثاني ))) > ((( حصريأ الجزء الثالث ))) <
بـ س ـمـ الـ ل ـهـ
------------------------------------------------------------------------------------
مره كنت مع واحد من العيال ايام الاول متوسط و كان كل واحد منا معاه سيكل (( راحت ايامها ))
و كنا معزمين نروح جيان ( مجمع الظهران بالدمام) المهم كنت قاعد افحط بالسيكل خويي شافني ونا افحط
قال انه بسوي مثلي و كان الشارع اللي نمشي عليه كان فيه نزله طويييييله المهم و يجي ابو الشباب
مقلع و يفحط قدامي و ينطل يمين و بعدين يسار و بعدين يمين و بعدين على التنده تقلب من قوة السرعه
طاح على ظهره قامي بالتمام و بغيت ادعسه بعد المهم و يطيح على ظهره شي مدري وش صاره و انقلب على بطنه
و قام يزحه الين وقف شوي الا جاه سيكله و يطيح فوقه و بعدين كان فيه تراب ابيض ابو الشباب تغبر
صار موتر على غفله ههههي المهم و اقعد اضحك عليه و اضحك الين بغيت اموت هههههي
خلصت
------------------------------------------------------------------------------------------
مره كنا انا و اثنين كنا رايحين نتمشاء المهم شفنا بيت قصر ( ما شاء الله ) توه ينبني و كان فيه كلب بليسي
رحت انا و واحد و قلنا للهندي : خلي هاذا الكلب يلحقنا اوكي؟
قال الهندي: اوكي بس يلحقكم شوي و يرجع
قلنا خلاص المهم قنا لخوينا خلنا نروح من عند جهت الكلب و يوم رحنا و قام يلحقنا الكلب و يلحقنا
الين جنا على نزله فيها تراب واجد تقول براحه الموم كان قدامي حجار و يجي خوينا ذا مقلع و يقول
(( مابي امووووت مابي امووووت ))
و من جدت الغبار خوينا ذا دعس على الحجار و بغى ينقلب و رجع هاذا الكلب و نقعد نضحك عليه حتى
من شده الضحك ونا مسرع بالسيكل طحت بحفره ههههي
خلصت
-------------------------------------------------------------------------------------------
الحين جينا للصف الثاني متوسط:
مره كنت مع واحد و كنا رايحين مشوار بالسيكل و كل واحد منا معاه سيكل المهم رحنا عند بقاله من شجده التعب
و قلنا خلنا نريح شوي و بعدين نرجع بلا مشوار بلا هم يوم جينا نرجع انا وش سويت حديت خويي بالسيكل
و بغى يصدم باص و شوي الا جاني و يصدمني من ورى و بغيت ادخل بسياره كانت بتوقف في المواقف
بغيت اصدمه وجه ابوجه
المهم و احده مره ثاني و يصدم رجال و يطيح عليه البيض و غيرها طاحت على الرجال و اضحك عليه
شوي الا قال خلاص يا ولد اهجد قلت طيب
و حنا راجعين كانت جمبي براحه و كان كل كمن متر يجي عامود كهرب و قلت لنفسي خلني احده و كني ما دريت
و يجي من جمبي مسرع و احده و يدخل بالعامود و يتقلب و يتقلب و اضحك عليه ضحك الله لا يوريك
بعدين قلت له لا لا خلاص عاد الحين نمشي مثل الرياجيل قال خلاص
شوي الا جاء مره ثانيه مسرع و قلت خني اخوفه و كان فيه اشجره و اخوفه يعني كني بحده
ابو الشباب ما صدق على طول لف بسرعه و دخل بالشجره و يطيح بالارض و انفقع الكفر حقه
عاد شوف الضحك اللي يجيه
خلصت
----------------------------------------------------------------------------------------------
الحين جينا للصف الثالث المتوسط:
مره كنت مع واحد و كنا نفحط بالسياكل و عاد انا جيت مسررررع و قلت شوف شوف و افحط
مدري وش صار بالدركسون و اطيح على الارض و يقعد يضحك علي و قالي: عطني عطني بس والله ما تعرف تفحط
و اعطيت السيكل و اخذ سيكله و قلت: يلا ورنا كيف التفحيط تزعط بوبو على غفله
و عاد انا لفيت مع اللفه و هو كمل سيده و شوي قلت لنفسي وش بلاه ذا تاخر و ارجع يوم رجعت
الا ابو الشباب منسدح بالشارع و نعاله بجهه و هو بجهه و السيكل فوقه و اضحك عليه هههي
يوم رفعت السيكل عنه الا الدركسون انكسر عليه وهو يفحط ههههههههه الله يرجه
خلصت
-------------------------------------------------------------------------------------
عاد الحين جينا للاول ثانوي:
مره كنا في مكه في بدايت العطله المهم يوم رحنا حنا و الشباب مع رحله شبابيه
يوم خلصنا قلنا يلا خلنا نروح الشقه يوم رجبنا بالصنصير كان فيه بزر صغير و كنا لابسين الاحرام
يوم قال الولد لواحد منا ترا الخيط طالع:a (86):
قلنا وش خيطه؟ تتخيل انت؟
قال اصبر اشيله لك شوي يوم جاء عند واحد منا و اول ما فتح الباب حق الصنصير كان فيه حريم
مع ابوهم و عيالهم المهم وش سوى الورع؟
سحب ام ام الاحرام (( السفلي )) و شوف الفضيحه و كااااك كاااااك هههههاااااااي انواع الضحك عليه
عاد تشوف الرجال انحرج و زعل عاد انا قلت مالها داعي و افصخ الاحرام (( اللي فوق)) و اغطيه
ما جلسنا دقايق الا قال الولد: يلا بمشي
قلنا وين؟
قال بروح يلعن ام اللي يجلس معكم مره ثانيه شوي قلنا مالها داعي نخليه يروح لحاله
و خرب علينا الطلعه و رجعنا معاه
خلصت
((( النهايه )))
ترقبو الجزء الثالث على الطريق
يلا مع السلامه الله الله بالردود
مع تحيات الدوسري502:a (90):
09-08-2008,
01:48 AM
سوالف على كيف كيفك (( الجزء الثاني )) 
العرض العادي
