هذي اول مشاركة لي في منتديات جده بويز واتمنى اني افيد واستفيد في هذا المنتدى الرائع

انا ياشباب عندي مشروع ابي اسويه الي هو مغسلة سيارات بالبخار الي حاب اسأل عنه وش رايكم

بمغاسل السيارات الي بالبخار هي مرغوبة لدى الشباب او لا وهل هي افضل من مغاسل السيارات

العادية . اتمنى انكم تتفاعلوا مع موضوعي لاني بأمس الحاجة الى مشورتكم .

بالنسبة لي أنا أغسل بالبخار

لأنه أول شي الموية تكون مبخرة والأملاح مترسبة فتجيك موية صافية ماتخربلك البودي

ثاني شي غسيل المكينة أحسن بالبخار في وجهة نظري لأنه البخار يوصل لكل الأماكن

مادري دا إلي أنا ملاحظه كل ماغسل

وان شاء الله بقية الشباب يفيدوك

يعطيك العافيه اخوي Angels Tears

ياشباب وينكم ؟؟؟

الله يوفقك اولاً وثانيا انا افضل غسيل التكارين اللي بالكرنتينه لان شغلهم عدل وثالثا لو صار لك فرصه تروح للشرقية وتتحديداً للخبر من شارع الملك عبدالله وادخل شارع مكه طبعا من جهة الثقبة الين اخره رح توصل للاسكان في مغسله سيارات هناك داخل محطة وعلى فكرة هي الوحيده في شارع مكه خطيرة وصاحبها واقف عليها بنفسه الغسيل مو بخار ولا خرابيط هوز ضخ قوي ماسكه واحد هندي يرش السيارة واربع تكارين بعده يدعكون ام ام السيارة وهندي ثاني بعدهم يغسلها بماي حلو وتخرج من المغسله يكون في انتظارك اكثر من 15 عامل بنقالي ونيبالي وهندي طبعا مو لك لوحدك لجميع السيارات وكل واحد له شغله بالسيارة واحد ينظف بالمكينة وواحد ياخذ الدعسات ويلبسها لك نايلون وواحد يمسح السيارة من داخل وواحد يلمع الطبلون وواحد ينظف فتحات المكيف واخيرا يحطون لك بلاستك على المقاعد ويلمعون الكفرات بمبلمع استب مو توت وبيبسي الحمدلله على النعمة ويعطرون لك السيارة وياخذون الكبون منك ويعطونك الجزء الخاص بك من الكبون وبعدها تجمع 10 كوبونات وتعال غسل بلالالالالالالالاش(جنقل لاند الشرقيه) يالحبيب وكل هذي الفله 25 ريال في مغسله في جدة تسوي كل هذى الخدمات الخطيرة بهذا السعر والله في مغسله دلوني عليه الشباب وقلت بس هذي هيا واروح لمه واغسل سيارتي بخار والله بـ 50 او 60 ريال ماني فاكر وغسيلهم الله يعزكم عشان كذا اروح للتكارين واعطيهم 20 ريال وشوف السيارة ماشاء الله ,,,,
على العموم لا اطول عليك الله يوفقك واذا بغيت اي مشورة في مشروعك لايردك الالسانك تراني فاضي ووقتي طويل يلعن ام الدوام الفترتين والقلق بس احاول اساعدك بالي اقدر عليه.

الله يوفقكـ ياخوي بمشرعوك

بس انا عندي لك فكره فيه اقبال وكسب على معتقد اكثر من المغسله

ليه ماتفتح محل كبير يبع اكسسوارات سيارات زي محل خليجي بالرياض عليه اقبال ممتاز من شباب الحي وكيذا

تبيع جنوط زينون الخ.....

والله تكسب بس خله كبير وشكله حلو يجونكـ

والله يوفقك وين ماتروح وان شاء الله الشباب يفيدونكـ

ماشاء الله ،،

الله يوفقك ،، ويمكن الي حيغسلو بالبخار اصحاب سيارات الـ v.i.p اكثر شي

وان شاء الله ربي يوفقك

الله يوفقك في مشروعك مشروع ناجح المغاسل في جدة ناجحه أذا كان شغلك كلاس موقع مميز وعمال ذوخبره جيده وأهم شي ياكبتن أستقبال الزبون يكون بطريق حلوه مو العمال يرفعو صوتهم في وجه الزبون...