الموضوع: شركاااااات جدة إلى اين ؟؟؟؟؟؟؟!!!!!!

.
.
.
.
.
.
كيفكم يا شباب



من مدة ماكتبت في المنتدى
بصراحة الموضوع يزعل شوي كل ما يكتب الواحد موضوع تقوم الأدارة بحذفة
مع انه مواضيع جدا واقعية بس عشان الواحد بيذكر اسم لشركة أو مؤسسة حكومية أخطأت بحق مواطن


ولكن اليوم راح اتكلم وبدون ما راح اذكر مسميات زي ما يقولوا لكن الوضع والله ما ينسكت عليه ويا جماعة اوصيكم اوصيكم انتبهوا على اهاليكم (اخواتكم - زوجاتكم ) أما امهاتكم هههه خلاص



ياشباب جاني اتصال من احد كبرى الشركات في المملكة وصاحبها شخصية معروفة معروفة جدا في جده (شخصية مرموقة )على قولتنا المكاوية من كودادة البلد


المهم الأتصال لوظيفة لأهلي

كلمنا شخص ولما سمع صوتي صار يقولي معاك فلان من شركة فلان خلي اهلك يتوجهوا لمقر الشركة ويطلعوا الدور السادس راح يقابلوا الموظفة (فلانه) عندهم مقابلة شخصية

قلنا على البركة



ووديت اهلي اليوم وهنا كانت الكارثة


بيضحكوا على العالم
بيضحكوا على مكتب العمل
بيضحكوا على الدنيا كلها
ياخي خافوا الله

يعني حتى البنت اللي عندها شوية حيا من الله تبغوا تعدموه
المهم قابلوا اهلي الموظفة نادتها الموظفة على طول
وقالت لها تخصصك مطلوب جدا جدا عندنا بس عندك مشكلة
تخيلوا ان المرة اللي بحشمتها ومتستره صارت في جده اشكال
وكانت جالسة تساومها على الكشف والسفور مقابل الوظيفة
تخيلوا وصلنا لأية درجة
حتى كانت جالسة تقنع فيها انها هي الصح وانتي خطاء
ولا في وظيفة راح تقبلك لو ما كشتي وجهك
قال ايش ما راح يدخل عليكي في المكتب غير رئيسك المباشر أو الشيخ وان المكان مراقب بكاميرات دقيقة ولا في احد من الشباب يقدر يسويلك شي
وهذي مصيبة وبدايتها
واللي العن انها تقول لا اكشفي واحنا مانبغا مكياج ولا كحلة ولا حاجة الله اكبر
لا ولا ايش تقول ان في موظفات عندنا يكشفوا في الشركة بس لكن لما بيخرجوا برا بيكونوا محتشمات ههههههههه يعني الشيخ ايش يبغا في اهالينا اذا كانت كاشفة او متغطية لا يكون يبغا يتزوجها والله تصدقوا ممكن تصير تجي زوجتك يوم وتقولك طلقني ولا راح انفصل من وظيفتي جاني الشيخ ويبغ يتزوجني صرنا زي مصر
لا واللي ادهى وأمر انها تقول ماراح يربطك شي مع زملائك الموظفين كلها صحوبية عمل والله فلة
شوف فين وصلنا وفين صرنا
طبعا الحمد لله اهلي ما وفقوا وقلو لها الله الغني (ومن ترك شيئاً لله ابدله الله خيرا منه )
يبغوا اهالينا
الحمد لله والشكر
صار عندنا التبرج والسفور من عادات وتقاليد السعوديين وصار المحتشمة عار الله و اكبر
لا وغير كذا كثير
جاني خبر في شركة تقول للبنات ان ماعندنا اختلاط وتجي وتجتاز المقابلة ويخلونها توقع العقد وبعد كذا راح يكون مكتبها جنب صاحبها في العمل وما تقدر تعترض لأنه لو فصلت راح الشركة ترفع عليها دعوة قضائية كاسبتها 100% وتطالبها بتعويض ودفع رواتب من 3 اشهر للسنة حسب المتفق عليه في العقد (حتى القضاء واقف في صفهم )
لا ولما بيجي مكتب العمل زيارة المضحك يحشروا النساء كلهم في غرفة ويجي المدير يدق الباب ويقول طريق غطوا احم احم مندوب مكتب العمل داخل غرفتكم ويدخل المندوب
هذا يا شيوخ الدولة ماهوا حرام




لا تنسوا
ان الأمرأه المحتشمة كالوردة المقفلة فإذا تفتحت صارت لكل النحل طعم والكثير راح يشمها



وهذي نصيحة لأخواتي في جميع المنتديات اتمنى انها تصل عن طريقكم



على العموم اللي يبغا اسم الشركة يراسلني على الخاص وانا بأعطيه
مو من شان شي
لا والله
ولكن من شان تحذير اهله





وتحياتي واشواقي الحاااااااااااااااارة
وراح يصير بهذا الموضوع ايميل وراح يوزع عن طريق ايميلي الخاص عاد راح اكتب فيه مسميات الشركات وراح يوزع ليبلغ به عموم السعوديون
لأخذ الحيطة والحذر