الموضوع: استفتاء لشباب السعودية !!!!

السلام عليكم ورحمة الله وبركاته

صبحكم الله بالخير احبابي اللي شرفونا بالمشاركة
واللي شرفنا بالقراية وبعدين فلسعو

سامحونا اتحيرنا عليكم بالرد لانه كنا مضخضخين اليومين اللي راحت

اخي حكومة
يعني وجهة نضرك زينا طب الحمد لله ماراح اقول العقل يقول كدة لكن المنطق والامووو

+++++++++++

الاخ 320 c
مشكور على زيارتك
وجهة نضرك جميلة
لكن بخصوص الزينون هل تلاقيها مناسبة مثلا
لانو بصراحة انا من الناس اللي اتضايق منها لانو بتسبب لي عمى موقت من قوتها
وماشاء الله عندنا الشباب يبغوا اي حاجة يتسلو فيها
بكل امانة قبل يومين في مكة شارع ضيق رايح جي اقابل سيارة كامري مولع الزينون في وجهي علين عماني
قلت عليا وعلى اعدائي شغلت النور العالي عندي ووقفت السيارة في نص الشارع الضيق
وخليت راعي الكامري غصبا عنو بطفي النور الزينون والعايدي علين لمن غلقت الشارع هو صحيح اكل مني
كم سبة وكم ........ بحكم المكاكوة ودمهم الحامي
الشرهة على اللي سمح بزي هادي اللمبات تدخل عندنا
زمااااااااااااااااااااااان كنا نركب لمبات غاز او هالوجين تكون قوية لكن ماتسبب ضرر
شوية شوية صرنا نركب كتاوت بيجو
وبعضهم يسحب خط للنور من البطارية دايركت وتحصل النور زي الحليب

++++++++++++++


ملك الكامري
مرحبابك انستنا ونورتنا
شوف حبيبي كلامك سليم بس كل زيادة عن حدها من وجهة نضري مجاغة اعرف واحد نزل سيارته محلات
الزينة وجالس يلصق ويحط كل انواع الزينات الموجودة ولانه غشيم صار العمال العنود واالمصارية اللي شغالين
في السوق يضحكوا عليه بكلامهم والله سيارتك روعة وحأعملك ووو
الزينة تكون في حدود المعقول

+++++++++++++

شوشو جدة
مرحبابك
الجديدة الجديدة راي ونحترمه

++++++++++++++

الاخ حمد او حماد
شاكر ومقدر زيارتك راي محل تقدير
احلى شي في ردك وجزاك الله خير انك لفت نضرنا لنقطة هامة
وهي

حسب وجهة نظر الشخص اللي يعدل عليها

لانه اللي يزين السيارة لازم يكون عندو ملكة ولمسة ذوق قليل
ومافي مانع ان كان ذوقي مو قد كدة استشير الاصحاب والاحباب
وعلى قولة المسل شاور اللي اكبر منك واللي اصغر منك وارجع لعقلك


نتيجة التصويت لحد الان

القديمة 6
الجديدة 5

ويارب الفوز لنا

نستنى باقي الاخوان
استودعكم الرحمن