Search Engine Optimization by vBSEO 3.2.0

NAS-666-SS · 07-20-2005, 07:12 AM

اقتباس:

المشاركة الأصلية كتبت بواسطة civicata

شباب نسيت اقولكم شي

انا ودي اغير لون سيارتي من الكحلي للاسود وهي ايجار تمليك ياريت تفيدوني بالاجراءات وهل هي متعبه ومكلفه ويبغالها رجه ولا سهله

تحيااااتي

والله ياغالي ماعندي خبر عن هذا الشئ ، روح الشركة واسأل مكتب الأتمان ، واعتقد انها بسيطة وماتحتاج مرمطة

بالتوفيق،،،،،،،،،،،،،،

SHALASH · 07-20-2005, 07:52 AM

اجـراء نقـل ملكيـة السيـارة ..

البداية تروح المعارض اللي قريبة من الاستاذ الرياضي

تروح اي معرض بعجبك ويكون عنده مبايعة وطبعا يشترط حضور مالك السيارة معاك من اجل التنازل

تدخل للمعرض وتقلله نقل ملكية طبعا يرحب بيك ويشربك شاي وقهـوة ويبدأ الشغل :

اولا ياخذ بيانات السيارة من كل النواحي ويطلع يكشف عليها .. الخ

كله تمام اجل نتوكل على الله يجي المالك ويوقع التنازل ويتوكل على الله ويمشي خلاص

يقوم المعرض يحجز عليك السيارة مع مبلغ 50ريال الين ماترجعله بالاستمارة بعد النقل طبعا

تاخذ الاوراق من المعرض وتروح قسم المرور اللي في المعارض طبعا تجهز بياناتك وملف علاقي

ويكون

شغل على مستوى توقف في الطابور وتسلم العسكري الملف مع رسوم 150 ريال على مافتكر

ويختم الورقة ويسلمها للمختصين وتروح في الاستراحة وتنتظر حتى ماينادوا اسمك وتستلم

الاستمارة الجديدة اللي باسمـك طبعـا ,, وبعدين تروح للمدير يختمها لك ..

وتروح توريها لاصحابك وتتكشخ قدامهم وتقللهم اللي يبغى يركب السيارة بفلوس <<<< يفضح نفسه الدلــخ ..

ونصايح مني لكم //

تأكد من البيانات على الاستمارة

وتغلفها لازمــ ..

عدم وجود مخالفات عليك

ودمتم سالميـــن ..

.. شلش ..

مجووودي · 07-21-2005, 04:16 AM

مشكور حبيبي على المعلومات

Hosam Al-Ghamdi · 07-21-2005, 02:47 PM

موفقين يا شباب و يا ليت نشوف تفاعل أكثر من الأخوان ..

A.B.0.7 · 07-22-2005, 01:00 AM

اجراءات سريعة:

تسديد المخالفات
يتم التسديد بطريقتين اما انك تدخل المرور وتنتظر عند الحاسب الين تطلع البرنت وتقوم بالتسديد
أو عن طريق اقرب صراف تقوم بعملية التسديد ولا تنسى السند اللي تعطيك المكينة....

فقدان لوحة

تقوم بعمل بلاغ واعلان في الجريدة
وبعدها تاخد الاعلان وعلى مكتب المرور لتستلم لوحتك الجديدة
مكونات الملف العلاقي
1- صورة الاستمارة
2- صورة البطاقة
3- صورة من التعميم(البلاغ)
4- صورة من اعلان الجريدة
5- برنت بعدم وجود مخالفات
والله يوفق الجميع

A.B.0.7 · 07-22-2005, 07:11 PM

في حالة سرقة السيارة (لاقدر الله) ومن ثم تم العثور على سيارتك
ماالمطلوب منك عمله في هده الحالة

كثير من الناس يمكن ما يعرف ها الاجراء وانا حبيت احطه من باب العلم بالشيء
وان شاالله الشر برة وبعيد عنكم

1- عند استلام السيارة عليك ان تأخد اخلاء طرف من القسم اللي استلمت منه سيارتك
2-تصور الاخلاء وتضعه في ملف مع صورة البطاقة والتعميم (البلاغ) وتتجه لأقرب مرور
أو شرطة ودلك لعمل التالي:
1- كف البحث
2-انهاء الاجراءات المتعلقة بالبلاغ.
وادا ماسويت هالإجراء صدقني أي دورية تمسكك وتشيك على السيارة راح يطلع عندهم أن السيارة مبلغ عنها
ويتم اجراء كف البحث في قسم الحاسب الالي في المرور أو في قسم البحث الجنائي في الشرطة
وبعدها راح تكون حر من جديد في قيادة سيارتك وبالله التوفيق.

AmOoOrE · 07-23-2005, 01:13 PM

مشكووور على الموضوع 70

وانشاء الله يستفيد منو التائه...

Hosam Al-Ghamdi · 07-23-2005, 01:39 PM

لا شكر على واجب أخوي و الله يسمع منك، نكون سوينا خدمة للجميع ..

بالتوفيق

ADEL · 07-24-2005, 07:57 PM

مشكورين ياشباب على الجهد الرائع

وياريت أحد يجاوبني على إستفساري
عليا مخالفات كثييير على الرخصه
هل إذا كنت أبغ أسافر
في المطار يقولولي سدد إلي عليك ولا لأ
وشاكرين لكم

البيــــSsــــدوايزر · 07-24-2005, 11:53 PM

مشكوور يا حسام علي الموضوع الحلو والمفيد

بس والله انا مالي خبره بالمرور ما عنرري انمسكت ابد

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري