السلام عليكم .......... كيف حالكم شباب

أنا عندي ألتيما 4 سلندر جير أوتوماتيك ناوي أركب عليها شوية شغلات ( بواجي .بكرة رياضية )

فأبي أسأل هل لهم أي تأثير على المكينة خاصة أنها قير أوتو وأنا ما أبي أسوي برمجة جديدة ؟

وفي شي ثاني لأني قبل يومين ركبت فلتر رياضي وبعد ساعة طفت السيارة وكان الجير بيطيح

والسبه الفلتر ففكيته طبعا .....

والله على حد علمي الفلتر يطفي السياره شي عايدي إذا كان أبو كلب على حسب علمي

والبواجي أنصحك لا تركبها والبكره عايدي أكرر على حسب علمي..

والله يا خوي انا عندي التيما زي حقتك ومركبلها فلتر طويل ماركته spw عمرها ما طفيت وعمرها ما ولعت عندي لمبة المكينة والفلتر اداءه ممتاز وله شهرين من يوم ما ركبته الى الأن مافيه أي مشاكل وقيمته 450 ريال ..
بالنسبة للبكرة لقيتها في جدة ب1400 ريال بس ماحد شجعني أركبه علشان كذا ما أفتيلك فيه ..

أخ راعي البنز

أنت لو تلاحظ أن الفلتر مركبة فيه فيوزات تتعلق في التعشيقات ( أكرر أوتو) هذي الفيوزات هي

الي سوت المشكلة من الأساس والا الفلتر نوعية ممتازة k&n .....

أهلين أخوي abo aradah وبالنسبة لسيارتي ألتيما أربعة سلندر أوتو ..
وبالنسبة للتركيب فكيت كل القطع اللي تتعلق بفلتر بلدها ماعدا القطعة الصغيرة اللي ينشبك فيها الحساس ، وفيه لي صغير يتوصل في الثلاجة فصلته وشبكتهم كلهم في الفلتر الجديد ..
فيه علبة مربوطة في الفلتر حق بلدها اللي يشوفها يحسبها علبة فيوزات بس هي فاضية وانا قد فكيتها ..
ودي أوريك الصور لكن للأسف ما أعرف أنزل صور من جوالي على الجهاز ..
عموما أهم شي يكون الفلتر مصنع خصيصا للألتيما أربعة سلندر وما يفرق عايدي أو أوتو ..
وانا الفلتر اللي عندي صناعته أمريكية وما شي معاي زي الحلاوة ..
وأي استفسار بهالخصوص أنا تحت أمرك ..

مشكور أخوي راعي البنز وما تقصر والله أحرجتني بس أنا فكيته خلاص بركب بداله بواجي ولا
شرايك ؟

والله يا خوي انا زيك كنت باركب بواجي لكن واحد قالي ما بتفرق معك لأن قوة شرارة البوجي تعتمد اسلاك البواجي والكويل والألتيما زي منت عارف نظام كويلات الكتروني ما تقدر تلعب فيه ..
حتى بواجيها شد البلد ممتازة ماركتها ngk سعرها غالي علشان كذا خفت أغيرهم بشي من السوق ..
بالنسبة للتلغيم أول شي تسويه الفلتر ضروري ، ولازم يكون مخصص للألتيما ..
وفيه هدرز وداون بايب تقدر تطلبها من النت حتى فيه تيربو كت كامل بس مانصحك تلعب في السيارة كثير ..
عموما هذا الكود حق المكينة qr25 دخله في قوقل وسوي بحث بيطلعلك مواقع تلغيم كثيرة للألتيما الأربعة سلندر ..
وبالتوفيق انشاء الله ..

شوف الفلتر اهم قطعها تركبها بعدها تروح للبقيه
وطبعا لازم يكون معاه أنتيك مشان يعطيك التوب
ودور لك على محل يركبه مضبوط ^_*
وما أنصحك بالبواجي لأن الي بسيارة تقوم بالواجب
ألا مع الأسلاك والكويلات ممكن تفرق
وفيه الهدرز والدبه تعطي شغل حلو
وصوت كوووووول

وعندب سؤال لك أذا ممكن ^_^
كم اخر سرعه توصلها سيارتك ؟؟؟

وأي سؤال انا بالخدمه ...

مشورين ياشباب
على التفاعل