بالعكس أخوي فروتي جدة هذا شي نفتخر فيه وأشكرك علي هالإقتراح ونرحب بأفكاركم وكذلك إنتقاداتكم شرط أن تكون في محلها ويكون الهدف منها تطوير هالرياضة وننتظر مشاركة الجميع.

تحياتي

نجاح الاداره يكون بالمتابعه المستمره

وهذا ما اتلمسه منك اخي الفيصل دليل علي نجاحك في استمرار نجاحكم بأذن الله

واود ان ابدأ ببعض الاقتراحات بشكل مختصر جدا واترك الباقي للاخوه الاعضاء

1 - عمل بطاقات عضويه او استيكرات وتكون برسم شهري او سنوي ويحصل صاحبها علي مزايا خاصه.

2- بيع تي شيرتات و كابات ,,,,الخ تحمل شعار جده ريس وصور سيارات ودبابات تتسابق في نفس الميدان نفسه.

3- بيع اشرطه فديو وسي دي لسباقات جده ريس في نفس الموقع.

4- انشاء العاب الكترونيه وبلياردو في صالات النادي السفليه.

5- التعاون مع مرور جده في عمل فعاليات تختص بسلامه القياده مثل اسبوع المرور.

وسلامتكم

تسلم أخوي فروتي جدة
إقتراحاتك جدا جميلة بالنسبة للعضوية جاهزة ولكن سيتم تفعيلها بعد الإنتهاء من تجهيز الصالة علشان يستفيد العضو منها . لكن موقفين هالموضوع لأنه في ترتتيبات أفضل بكثير بس تحتاج شوية وقت لمعرفة مدي إمكانية تطبيقها .

اشكرك اخوي فروتي وما قصرت على اتاحه الفرصه للاعضاء للأسئله

عندي سوألين بس

ليش ما يكون الدراق الرمالي افضل من كذا بكثير وهو المفروض يكون افضل من كذا بكثير

وهل صحيح يكون في 2008 ثمانيه بطولات لدراق الرملي

واتمنا الافاده من

الكابتن فيصل الصيخان

شي ثاني تذكرته


ليش ما تحطون لوحه ارشاديه علي مدخل حلبه السباق علي طريق المدينه ؟

السلام عليكم ، بدون زعل وانتقادي باحترامي ، انا دخلت الريس واي 3 مرات وقررت اني لن أدخل بعد كذا ، ليييييش ؟

عشان اولا سيارتي انخربت بسبب البرن اوت والسبب انو انا لما عملت برن اوت كان كفر عالماء والثاني ما كان عالماء فحصلت مشكلة . فاللي سار انو كفر واحد بس عمل برن اوت والنتيجة السيارة كانت تبغا تخرج من محلها وترا انا سيارتي مافيها حاجة .

ثانيا انا مستوى سيارتي في الدراج مختلف تمام في الشارع ، في لومنا اتطارحت معاها في الدراق وطرحتني ، لكن لما اتطارحت معاها في الشارع اعطيته 3 سيارات . والسبب انه ارضية الدراق ما تناسب كفراتي . وعلى فكرة في واحد ماشالله محترف سواقة اعطيته سيارتي برضو ما سوا ولا شي كلو كان زفت .

واخيرا ، بصراحة انا فكرت فيها وقلت مادام انو سيارتي مستواها في الدراق مختلف عن مستواها في الشارع ولازم ادفع رسوم دخول وكل المقاومات ارض ولازم ايجار خوذة واجراءات وانتظر سرا .
بصراحة بدون زعل وهذا رأيي الشخصي وما احرض أحد ولحد يسمع كلامي يمكن اللي ما ناسبني يناسب غيري ، بصراحة الشارع ببلاش و احلى ومن ناحية امان وما امان الدراق طبعا أأمن لكن برضو اختيار شارع نظيف وخالي من السيارات في سرعة معقولة انشالله آمن .

ارجو انو محد يزعل من كلامي .. وهذا رأيي

السلام عليكم .....
سؤالي يقول متى سوف تبدأ بطولة الكارنتج
وقد سمعنا انها سوف تكون 10جولات
ارجوا الافادة وشكرا

السلام عليكم
انا ما جيت الحلبه غير مرتين بس للاسف ماكانت معاي سيارتي ولا كان جربت

الصراحه الحلبه ماشاء الله مو مقصره في شي ..... بس المشكله الوحييده الي اتمنا ان يكون لها حل

مسافه التوقف للسيارات لان في ناس كثير بسيارات قويه متردده انها تشارك بسبب المسافه دي

ومشكورين


سؤال ثاني ... متى مواعيد تجارب السيارات هل هو نفس المواعيد القديمه

اثنين واربعاء وخميس ؟؟؟؟